Tre skuadra nga Serie A u kualifikuan në tre finalet europiane dhe pavarësisht faktit se asnjë nuk arriti dot të fitonte, kaq ka mjaftuar që futbolli italian të fitojë disa pozicione në renditjen e UEFA-s për sezonin që lamë pas.
Kështu, Kampionati Italian tashmë ndodhet i dyti, ku një pozicionim më të mirë se liga elitare e Apenineve nga UEFA ka vetëm Premier League, kampionati anglez i futbollit. Ndërkohë në shkallën më të ulët të podiumit është Bundesliga gjermane.
Vetëm vendi i katërt në renditje për futbollin spanjoll, ndërsa situata më e rëndë shfaqet për Ligue 1. Elita e futbollit francez renditet e shtata. Vendi i pestë dhe i gjashtë mbahet nga kampionati belg dhe ai holandez. Top 10 sakaq mbyllet nga kampionati portugez, turk dhe zviceran.
Discussion about this post