Renditja/ Tiranës i duhet një mrekulli për mbijetesën, ndryshon çdo gjë në “Final Four”

Kategoria Superiore luajti sot javën e parafundit të saj, me ndeshje të cilat prodhuan në total vetëm 5 gola.

Spikasin fitoret e arta të Bylisit, Teutës dhe Laçit, ndërkohë që dueli mes Elbasanit dhe Vllaznisë dhe Egnatia-Skënderbeu u mbyllën pa fitues.

Më triumfin 0-1 ndaj Tiranës, durrsakët e Bledar Hodos, ‘blinduan’ vendin e gjashtë, ndërkohë që në rastin më të keq të mundshëm Teuta do e mbyllë sezonin në vendin e 7-të duke shmangur kështu edhe “Play Out”-in.

Ndërkohë që në javën e fundit, do të mësohet skuadra që do e mbyll sezonin e 4 fazave në vendin e parë mes Egnatias dhe Vllaznisë.

Duket se verdiktet përfundimtare do të mësohen javën e fundit, teksa Teuta tashmë ka shpëtuar edhe matematikisht sezonin, pas triumfit në kryeqytet.

Tiranës tashmë për të shmangur rënien nga Kategoria i duhet një mrekulli më vete. Tirana tashmë nuk ka asgjë vetë në dorë, ndërsa gjithçka do të varet nga rezultati i duelit Skënderbeu-Bylis dhe takimi mes bardhebluve dhe Dinamos.

Skuadra e Shkëmbit duhet të mposhtë skuadrën e Dajës, ndërsa takimi në Korçë mes Skënderbeut dhe Bylisit nuk duhet të përfundojë në barazim.

Zhvillime ka edhe në zonën e “Final Four”. Ajo që bie në sy në pjesën e sipërme të klasifikimit është ndryshimi i vendeve mes Vllaznisë dhe Dinamos, si dhe i Elbasanit me Partizanin, pasi tani janë verdheblutë që ngjiten të katërtit në zonën e katërshes që lufton për titullin.

Humbja e Partizanit ndaj Bylisit dhe barazimi i Elbasanit me Vllazninë zbret të kuqtë në vendin e 5-të. Dy skuadrat do të përballen mes tyre në javën e fundit teksa skuadra e Gegës i bën punë vetëm fitorja.

Renditja: