Numri i vdekjeve në Valencia është rritur në 202, sipas shifrave të Qendrës së Koordinimit të Ministrisë së Brendshme Spanjolle.
“Procesi i identifikimit të viktimave vazhdon”, thuhet në një postim në “X”.
Kjo e çon numrin e viktimave në Spanjë në të paktën 205. Dy persona të tjerë vdiqën në rajonin Castilla La Mancha dhe një tjetër në Andaluzi.
Për ngjarjen, Kryeministri Pedro Sanchez thotë se Spanja do të bëjë gjithçka që duhet për të ndihmuar njerëzit që të rimëkëmben nga përmbytjet masive.
“E përsëris, çfarëdo ndihme që nevojitet, sado kohë të duhet”, thotë ai në “X”.
Më herët, Sancez paralajmërori se rreziku i përmbytjeve nuk ka kaluar akoma teksa tha se duhen marrë masa paraprake dhe të tregohet vëmendje ndaj informacioni që jepet nga autoritetet.
Një paralajmërim i kuq shiu është lëshuar përgjatë bregut të Huelva, në jugperëndim të Spanjës, ndërkohë që njerëzve që u është thënë të qëndrojnë në shtëpi.
Discussion about this post