Ka shkuar në tetë, numri i viktimave si pasojë e motit të keq në zonën e Forlit në Itali. Kështu mësohet nga autoritetet italiane, sipas të cilave në zonën e Ravenës u gjet edhe trupi i pajetë i një personi tjetër.
Kryeministrja italiane, Giorgia Meloni përsëriti gatishmërinë maksimale nga ana e qeverisë për të mbështetur Rajonin në emergjencë.
Mbrojtja civile e Italisë bën thirrje për kujdes, pasi njerëzit janë ende në rrezik. Janë shpëtuar dy të porsalindur në Castrocaro Terme. Bashkia e Bolonjës bën të ditur se sistemi rrugor është i rrezikuar në shumë zona të qytetit.
Komiteti operativ i Emergjencave Civile italiane vijon punën, i kryesuar nga ministri Nello Musumeci, në shtabin e mbrojtjes civile.
“Janë katër mijë persona të zhvendosur për shkak të motit të keq, gjatë orëve të fundit”. Kështu informoi ministri i Mbrojtjes Civile, Nello Musumeci.
Discussion about this post