Skuadra e Dinamos nuk ndodhet në momentin më të mirë të saj. Përveç humbjes shkatërruese në derbin me Tiranën me rezultatin 4-0, ‘Blutë’ po përballen edhe me probleme fizike.
Gjashtë lojtarë kryesor të ekipit kryeqytetas ndodhen jashtë fushës për shkak të dëmtimeve. Maliqi, Haxhiu dhe Harizaj pritet të bashkohen me ekipin pas ndeshjeve të kombëtareve, duke qenë gati për t’u bashkuar me ekipin më pas javën e ardhshme.
Braziliani Diogo iu nënshtrua një operacioni për dëmtimin që ka marrë që sezonin e kaluar, teksa pritet të jetë nën urdhrat e trajnerit Bledi Shkëmbi jo para shkurtit.
Gjata ka nisur të stërvitet, ndonëse jo me shumë sforcim, ndërsa malazezi Sofranac vijon të vuajë për shkak të dëmtimit të marrë.
Ndërsa aktualisht te Dinamo po shpresohet që koha e dhënë nga ndeshjet ndërkombëtare të jetë e mjaftueshme që një pjesë e lojtarëve të kalojnë dëmtimin dhe të jenë të gatshëm për javën e 9 të Superligës./K.T/Gijotina.com
Discussion about this post