Pesë persona janë ndaluar nga Policia, në një operacion që po zhvillohet mbrëmjen e sotme në Vlorë.
Forcat e RENEA dhe FNSH po ushtrojnë kontrolle në disa lokale përgjatë bulevardit Vlorë-Skelë, në kuadër të një operacioni për kapjen e personave në kërkim, apo të përfshirë në veprimtari të paligjshme.
Nga raportimet e para mësohet se 5 persona u kapën në një lokal, pasi dyshohet se kanë pasur armë me vete, që i posejdonin pa leje.
Ende nuk ka informacione zyrtare lidhur me operacionin apo për personat që raportohet që janë kapur me armë pa leje, por thuhet se Policia po verifikon lëvizjet e këtyre shtetasve gjatë ditëve të fundit, personat që kanë takuar etj.
Ndërkohë raportohet se Policia ka gjetur dy armë zjarri, të cilat dyshohet se i kanë pasur personat e ndaluar, por që në momentin e kontrollit i kanë fshehur në lokalin ku ushtrohej kontrolli.
Discussion about this post