Forcat RENEA ka filluar kërkimet në Larushk dhe Nikël për kapjen e autorëve të atentatit me 3 viktima. Dyshohet se kanë qenë 4 autorë, 3 prej të cilëve kanë dalë nga makina dhe kanë qëlluar në drejtim të makinës me të cilin udhëtonin 3 personat e vrarë. Autorët dyshohet se janë nga Nikla. Kështu, forca të shumta RENEA kanë rrethuar zonën e Fushë-Krujës dhe rrethinat e saj.
Kontrollet janë duke u kryer pasi ka dyshime se autoret mund të jenë fshehur në ketë zonë. Ndërkohë, që kanë nisur edhe shoqërimet e para, të personave që kanë pasur konflikte me Brilant Martinajn dhe grupin ku ai bënë pjesë.
Sipas të dhënave forcat RENEA janë duke kryer kontrolle dhe në dalje të Fushë-Krujës, e deri në Kamëz. Gjithashtu policia është duke kryer kontrolle dhe në zonën e Kurbinit, prej nga janë viktimat. Grupi i hetimet pas përfundimit dhe mbledhjes së provave në vendin e ngjarjes, tashmë do dal në terren për të mbledhur prova e dëshmi që mund të çojë në zbardhjen e kësaj ngjarjeje.
Discussion about this post