RENEA dhe FNSH po vijojnë kontrollet në Vlorë, në një operacion që nisi mbrëmjen e së dielës, ku u ndaluan 6 persona, ndërsa u kapën dy armë zjarri (pistoletë, me fishekë në fole).
Sipas raportimeve, mbrëmjen e së hënës është ndaluar një tjetër person. Ende nuk ka të dhëna mbi të ndaluarin e fundit nga RENEA, por nga burime mësohet se operacioni i kontrolleve në qytetin e Vlorës do të vijojë për disa ditë.
Mbrëmjen e së dielës Policia arrestoi Satilno Basho dhe Mariglen Aliaj, të cilëve gjatë kontrollit fizik iu gjetën një pistoletë Glock dhe një TT, me fishekë në fole, të gatshme për qitje.
Gjithashtu forcat speciale arrestuan edhe 4 persona të tjerë, 3 prej të cilëve pjesë të njëjtit grup kriminal me dy të arrestuarit e tjerë të cilët u kapën të armatosur.
Bruno Shehu, Mehmet Hoxhaj, Beraldo Xhindi dhe Kevin Metaj akuzohen për moskallëzim krimi, pasi dyshohet se kanë patur dijeni për 2 shtetasit e armatosur.
Gjatë këtij operacioni policia sekuestroi edhe 3 automjete që posedonin shtetasit e arrestuar, 2600 Euro dhe 8 celularë.
Ndërkohë edhe në Shkodër, Policia arrestoi një person, të cilit iu gjet një arsenal lënde shpërthyese tritol, ganata, kapsolla detonatore etj, i cili në momentin e ndërhyrjes nga Policia, u kap në flagrancë duke u kujdesur për 120 bimë narkotike që kishte kultivuar në afërsi të banesës së tij.
Policia ka sekuestruar në total: 1 armë zjarri automatik, 2 armë zjarri pistoleta, municion luftarak, 31 kallëpe tritoli, 110 metër fitil zjarrpërcjellës, 18 granata dore, 13 ndezës të unifikuar, 3 automjete, 2600 euro dhe 8 celularë e dhjetra bimë kanabis të kultivuara.
Njoftimi i policisë
Policia e Shtetit
Angazhim maksimal i strukturave të Policisë, për parandalimin e ngjarjeve kriminale dhe për goditjen e grupeve kriminale.
📍Në Vlorë, ndërhyrja e menjëhershme e shërbimeve, në bazë të inteligjencës policore, parandaloi një ngjarje të mundshme kriminale kundër personit, e cila do të kryhej me disa armë zjarri. Policia vuri në pranga 6 shtetas me precedent të mëparshëm kriminal, 2 prej të cilëve u kapën në flagrancë në një lokal, me 2 pistoleta të gatshme për qitje.
📍Në Shkodër, Policia vuri në pranga poseduesin e një arsenali lënde shpërthyese tritol, ganata, kapsolla detonatore etj, i cili në momentin e ndërhyrjes nga Policia, u kap në flagrancë duke u kujdesur për 120 bimë narkotike që kishte kultivuar në afërsi të banesës së tij.
✅Gjatë 2 operacioneve, u sekuestruan në total: 1 armë zjarri automatik, 2 armë zjarri pistoleta, municion luftarak, 31 kallëpe tritoli, 110 metër fitil zjarrpërcjellës, 18 granata dore, 13 ndezës të unifikuar, 3 automjete, 2600 euro dhe 8 celularë e dhjetra bimë kanabis të kultivuara.
Discussion about this post