Rënie gurësh dhe inertesh, ARRSH: Ja situata në akset e vendit

ARRSH ka dhënë një njoftim mbi situatën në akset kryesore të vendit pas orëve të fundit me reshje të dendura shiu.

Autoriteti Rrugor Shqiptar bën me dije se gjatë orëve të natës ka pasur reshje shiu me intensitet, të cilat kanë shkaktuar rënie gurësh e inertesh në: Skuraj-Burrel, Elbasan-Qafë-Thanë, Vaudejes-Pukë-Kukës, Bulqize-Urë e Cerenecit, Berat-Çorovodë, rrëshkitje dheu në Klos-Qafë Buall, ku janë marrë masat e nevojshme menjëherë nga grupet e punës të mirëmbajtjes për pastimin e akseve.

Raportohet se qarkullimi i mjeteve vijon pa probleme në të gjitha akset nacionale.

Ndërkaq, në orët e para të mëngjesit kanë filluat reshjet e dëborës në Bogë-Theth, Tamarë-Vermosh, Bilisht-Miras ku po vijon puna për pastrimin e dëborës dhe shpërndarjen e kripës.

Ndër të tjera ARRSH apelon për drejtuesit e mjeteve që të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore.