Rënie gurësh e orteqesh, ARRSH: Kujdes në këto akse rrugore

Autoriteti Rrugor Shqiptar ka bërë thirrje për kujdes në disa akse rrugore në vend.

Kjo pasi shiu e bora ka bërë që të ketë rënie të inerteve e gurëve në rrugë.

Njoftimi:

Reshjet e shiut kanë vazhduar gjatë natës ?deri në orët e para të mëngjesit, me intensitet duke sjellë rënie gurësh dhe inertesh në trup të rrugës si në Bajram Curri-Fierzë km 12?

?Në Tamarë-Vermosh ka pasur reshje dëbore, ku është punuar me mjete e punëtorë dhe qarkullimi kryhet pa probleme ?

?Në aksin Bogë-Theth në zonën e tuneleve ka pasur rënie orteqesh, duke sjellë vështirësi në qarkullim dhe pastrimin e rrugës pasi rënia vazhdon të jetë aktive?

?Kontraktorët me mjete e punëtorë kanë qenë në terren ? gjatë gjithë natës për të mbajtur qarkullimin në normalitet ?

⚠️Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore?‍♂️