Reperi me famë botërore, Akon, ka mbërritur në Kosovë.
Ai zbarkoi rreth orës 21:00 në terminalin VIP të Aeroportit “Adem Jashari” në Prishtinë.
Me të mbërritur, Akon është shoqëruar nga reperi i njohur vendas Capital T – i cili njëherësh edhe e ka ftuar që të jetë pjesë e koncertit të tij më 11 gusht.
Capital T publikoi një fotografi të përbashkët në rrjetin social Instagram, duke shkruar në mbishkrimin e saj: “Mirësevjen në Kosovë, mirëse vjen në Time Capsule II”.
“Time Capsule” do të mbahet nesër (e premte) në parkingun e Pallatit të Rinisë dhe krahas Capital T, do të performojnë një mori emrash të famshëm.
Discussion about this post