Repëri Action Bronson, emri i vërtetë i të cilit është Arian Asllani është shumë i njohur në Shtetet e Bashkuara të Amerikës. Reperi ka lindur në New York nga një baba mysliman shqiptar dhe një nënë hebreje. Në një intervistë të dhënë së fundmi, ka treguar se ka refuzuar për të luajtur në serialin “Euphoria”.
“Ata donin që unë të luaja një shpërndarës droge që po shkonte me vajzat e shkollës së mesme. Action Bronson nuk e bën këtë, vëlla.”
Ndërsa ai nuk e përmend personazhin specifik, roli i ngjan shumë Fezco-s, i cili luhet nga Angus Cloud.
Action Bronson shprehet gjithashtu se ai mori pjesë në audicion për Uncut Gems, por gjërat nuk shkuan sipas planit që ai e kishte menduar. “Ata donin që unë të isha djaloshi pranë personazhit kryesor, rusit”.
Nga ana tjetër, për sa i përket “Euphoria”, seriali flet për një 17-vjeçare, Rue e cila e kaloi verën e saj në rehabilitim për një mbidozë gati fatale të drogës. Sidoqoftë, secili episod ka të bëjë me një karakter të ndryshëm. Euphoria futet shumë më thellë në çështje të caktuara dhe kjo mund të jetë arsyeja pse të gjithë janë të fiksuar me të. Temat kryesore të këtij seriali janë seksi, droga dhe dashuria e të rinjve.
Trajtimi i përdorimit të drogës, është ndryshe nga çdo serial tjetër. Ky nuk është seriali i parë që flet apo përmend drogën, por mund të jetë ndër të parët, që tregon se çfarë iu bën ajo njerëzve dhe jetës së tyre.
Discussion about this post