Reperja shqiptare planifikon projekte ne Greqi: Dua të bëj krenar fansat e mi (Foto)

Rina Balaj është një ndër artistet më të pëlqyera të tregut muzikor shqiptar. Njihet për hitet e bujshme që bëri në fillimet e karrierës së saj. Që pas largimit nga studioja e “On Records” artistja qëndroi një periudhë larg muzikës dhe syrit të publikut ku më pas u rikthye me disa projekte muzikore në bashkëpunim me partnerin e saj, reperin Sinboy.

Momentalisht artistja ndodhet në Greqi dhe kohëve të fundit Rina ka qenë goxha aktive në rrjetet sociale ku shpesh herë poston foto profesionale në Instagram.

Disa nga fansat i kanë drejtuar pyetje nga më të ndryshmet ku këngëtarja ka zgjedhur t’i kthejë përgjigjet e saj sa më të drejtpërdrejta. Një ndër pyetjet që ajo kishte publikuar nga fansi i saj ishte se “çfarë i pëlqen më së shumti në lidhje me karrierën e saj”, ndërsa Rina ishte përgjigjur se ajo çka i pëlqente më shumë ishte të shikonte brezat e rinj të pëlqejnë këngët e saj.

Nga ana tjetër, karriera e Rinës pati disa ulje-ngritje por kjo gjë nuk e ndaloi atë së bëri muzikë për fansat e saj. E pyetur se “cila ishte shpresa që mbante akoma kur ajo ka dështuar njëherë në jetë”, Rina tregoi se një ndër arsyet kryesore ishte jetesa e mirë dhe të bërit familjen dhe fansat e saj krenarë.

Është bërë një kohë e gjatë që këngëtarja nuk performon më nëpër koncerte, madje disa kohë më parë ajo ka shprehur dëshirën se dëshiron të bëjë koncerte të mëdha në sheshe dhe jo nëpër klube të ndryshme. Ndërsa një fans e ka pyetur se nëse ajo “do të bëje ndonjë koncert në Greqi”, këngëtarja është përgjigjur se do të jetë një festival duke lënë kështu të kuptohet se shumë shpejt do mund të kemi ndonjë rikthim në skenë nga artistja.

Kujtojmë se, artistja e ka treguar dhe më parë se ajo është në një romancë me reperin e njohur Sinboy i cili njihet më së shumti në Greqi dhe gjithashtu për hitin e tyre veror “Gigi” të publikuar disa vite më parë. Gjithashtu çifti tashmë punojnë së bashku në çdo projekt muzikor që publikojnë. Një ndjekës e ka pyetur se nëse partneri i saj jep ide për tekstet e këngëve apo i shkruan ajo të gjitha. Artistja u shpreh se ata e ndihmojnë njëri-tjetrin në çdo gjë që ka lidhje me muzikën.