Replikat – Debat për leshin e Bashës mes Lulzimit dhe Ulsiut

Leshtë e kokës së Lulzim Bashës ishin në qendër të replikave në seancën e sotme parlamentare mes ish-kreut të PD-së dhe ministrit Ulsi Manja.

Ishte Manja i cili e ironizoi Bashën për flokët duke i thënë se herën tjetër do dhe që “t’i nxijë” pak më shumë, ndërsa ai iu përgjigj duke i thënë se duhet të shohë hallet e tij, dhe jo të merret me flokët.

Replikat

Manja: Ti, kujdes me bojën, herë tjetër nxiji pak më shumë

Basha: S’ta kanë borxh shqiptarët që merresh me leshtë e mi, të ngelën leshtë e mi në gojë. Merru me hallet e tua, kam kërkuar heqjen e imunitetit tim. Ju jeni mashtrues. Ti dhe shefi jot jeni nona e korrupsionit.

Manja: Nuk kam naj merak e s’merrem me gjëra personale por më dhimbset vetja sepse ty të shtohen flokët dhe mua më bien, dhe kam hallin tim.

Në replikë u përfshi edhe deputetja demokrate Flutura Açka, e cila iu drejtua Manjës: … Sa për leshtë e kokës, ju zoti ministër jeni dibran, mos keni ndonjë kompleks. Keni një shprehje; “Po s’ta hangri sajni…”. Ndoshta këtu e keni problemin.