Ministrja e Shtetit për Marrëdhëniet me Parlamentin, Elisa Spiropali ka reaguar pas fjalës së kreut të PD Sali Berisha, i cili hodhi sërish akuza në drejtim të qeverisë. Spiropali ironizoi marrëveshjen mes Berishës dhe Metës, duke e quajtur atë si aleanca e Haxhi-Qamilit.
Spiropali: Sapo dëgjuat prologun e Haxhi-Qamilit. Aleancën antiperëndimore të Qamilit dhe Haxhiut. Mos kini dyshim se e njëjta gjë është në thelb. Nuk ka rëndësi nëse vishnin poture. Këta vijnë me kollare, bëjnë të njëjtën gjë, duan të kthejnë kohën pas, kohën e tyre që ka vdekur. Nuk më çudit fare që përdoret kjo foltore për të nxitur gjoja revolucionin e shumëpritur nga masat. E thotë ai që mori peng revolucionin demokratik, të punëtorëve, të të burgosurve, ai që doli nga xhepi i pardesysë së atij që ishte President. Dashka të bëka revolucion Haxhiu me Qamilin që kur ishte President nuk e priste asnjë kreu shteti. Këta politikën e kanë me të blerë dhe të shitur, kur janë këtu në këtë Foltore.
Hajnat, terroristët, bandat dhe më pas në qeveri të japë dorën. Nuk ka asnjë lidhje as për dëshirën për progres, as për raportin Çupi dhe zonjën Denaj. Nuk është punë e tyre të lexojnë këtë, të flasin për qytetarët dhe bashkitë. Ata kanë vetëm një njësi në mendje, veten. Dy metra katrorë nën këmbët e tyre. Kjo është qeveria e tyre. Metrat katrorë nën këmbë, se ku do i çojnë, do i marrin me vete. Askush nuk i ka marrë me vete këto përveç turpit. Del këtu dhe flet për hajna, kujt i thotë hajnë ai, që është shpallur hanë ndërkombëtare.
Çfarë revolucioni do bëjë në 12 nëntor, në emër të kujt dhe në emër të kujt do e rrëzojë qeverinë e zgjedhur me votë. Si do e marrin pushtetin këto në tavolinë. Me këto 37 bashkitë e reja që kanë propozuar. Janë ulur përpara hartës territoriale dhe kanë menduar ku të marrin më shumë votash.
Janë disa zona që këta i konsiderojnë si bastione elektorale. Mendojnë se bastionet do funksionojnë edhe në vitin 2022. Nuk e merrni dot në tavolinë. Nuk keni krijuar besueshmërinë. Por kur shkoni tek njerëzit çfarë do u thoni, që do rikthehet Sali Berisha dhe Ilir Meta t’ju qeverisin. Këta që nuk i kemi parë asnjëherë dhe nuk ua dimë bëmat.
Discussion about this post