Qeveria çeke njoftoi sot se synon të japë shembull duke u bërë vendi i parë i BE-së që kufizon hyrjen për qytetarët rusë me pasaporta diplomatike ose viza biznesi – duke theksuar se do të bëhet për arsye sigurie.
Kjo masë do të zbatohet në aeroportet e vendit. Qytetarëve rusë të akredituar në ambasadën në Pragë do t’u lejohet ende hyrja, tha Ministria e Jashtme çeke.
BE-ja po shqyrton vendosjen e kufizimeve të rrepta në udhëtimin për diplomatët rusë brenda zonës Shengen.
“Ne jemi të vetmit që e bëjmë këtë sot”, tha zëdhënësi i Ministrisë së Jashtme çeke, Daniel Drake, i cili beson se kjo “duhet të frymëzojë vendet e tjera dhe të plotësojë sanksionet e ardhshme evropiane”.
“Nuk është ideale”, u tha gazetarëve Ministri i Jashtëm Jan Lipavsky, por “do ta zgjidhë problemin tonë të sigurisë, sepse rrjeti diplomatik rus strehon agjentë që e vënë atë në rrezik”.
Discussion about this post