Analisti Lutfi Dervishi, në një postim të tij në rrjetin social Facebook, ka ironizuar ashpër një nga premtimet më të bujshme e më të përsëritura të qeverisë Rama furnizimin me ujë 24 orë.
Me një gjuhë therëse, Dervishi vë në pah kontrastin mes premtimeve elektorale dhe realitetit të përditshëm të qytetarëve, të cilët ende përballen me mungesën e ujit të pijshëm, çmime të rritura dhe administrim të paaftë.
Në “Republikën e Premtimeve”, siç e quan ai, uji nuk rrjedh nga rubinetat, por vetëm në këngë dhe ligjërime politike.
Postimi
Rrjedh në këngë e ligjërime
Më 2013, u premtua ujë 24 orë në ditë. Dhe si çdo premtim, edhe ky u mbajt… por në versione të përmirësuara:
Nga 24 orë, qytetarët marrin rregullisht ujë, me çmim të trefishuar, në tre vakte:
Në mëngjes për të larë fytyrën,
në drekë për të zier fasulen,
dhe në darkë për të larë mëkatet.
Kush guxon të kërkojë ujë jashtë këtij orari konsiderohet si “armik i pompës dhe i partisë dhe ndëshkohet me… nofkën “çyryk”!
Pompa punon vetëm kur ka ujë në rrjet.
Administratori është gjithmonë aty, por vetëm për të të kujtuar që edhe kur ke pompë, s’ke fuqi mbi rrjetin!
Sepse në Republikën e Premtimeve,
uji rrjedh veç në këngë e ligjerime!
Discussion about this post