Në Britani, duket se jo të gjithë e kanë marrë me sy të mirë, kalimin e Gerrard, te klubi arab, Al-Etiffaq.
Duke folur në radio talkSPORT, Simon Jordan tha: “Këto nuk janë vendime futbolli, ato janë vendime financiare. Nëse doni të merrni një vendim që do t’ju bëjë një menaxher shumë të suksesshëm, nuk keni nevojë të shkoni në Lindjen e Mesme.
“Steven Gerrard nuk do të avancojë si trajner, ai nuk do të rrisë reputacionin e tij në mesin e atyre që mund të shkojnë, “oh shiko çfarë bëre në ligën saudite”. Pasi të jeni jashtë loje në futboll, ju jeni jashtë loje.
“Nëse Gerrard dëshiron ta bëjë këtë, atëherë ai nuk beson se ai ka aftësitë për të qenë një menaxher i klasit të lartë. Ai duhet të rindërtohet, reputacioni i tij është në tualet si një menaxher i klasit të lartë. Në termat e Premier League – nuk ka një punë për të tani”.
Gerrard, i cili u shkarkua nga Aston Villa gjatë sezonit 2022/23, është emëruar si menaxher i ri i skuadrës së Arabisë Saudite, Al Ettifaq.
Legjenda e Anfield është cilësuar si një pasardhës i mundshëm i Jurgen Klopp në Liverpool , por mbetet për t’u parë se çfarë do të ndodhë me planin tani./Tribuna
Discussion about this post