Temperaturat e ulëta do të na shoqërojnë përgjatë gjithë kohës. Gjithë kjo javë, do të ndikohet nga kushte të qëndrueshme atmosferike si pasojë e masave ajrore kryesisht të thata dhe të ftohta me origjinë veriore.
Në këtë mënyrë në pjesën më të madhe të ditëve moti parashikohet i kthjellët e vranësira të pakta kalimtare. Vranësirat do të jenë më tepër prezente pasditen e sotme dhe do të shoqërohen me reshje shiu të dobëta në lindje të vendit dhe jug.
Mirëpo ditën e enjte do të ketë reshje shiu me intensitet të ulët deri mesatar në formën e shtrëngatave dhe stuhive ndërsa në relievet malore do të ketë reshje dëbore. Shume vende në veri, verilindje e juglindje janë zbardhur nga bora ndërkohë që edhe në Tiranë do të ketë reshje dëbore.
Sipas parashikimit të motit, në Tiranë reshje bore pritet të ketë më 7 dhe 8 shkurt. Por, intensiteti i reshjeve do të jetë i vogël dhe afatshkurtër.
Discussion about this post