Moti i keq në vend i shoqëruar nga erëra të forta ka sjellë përshkallëzim të valëve të detit. Për pasojë autoritetet portuale kanë pezulluar lundrimin e të gjitha mjeteve ujore, përfshi edhe tragetet e linjës Sarandë – Korfuz.
Në bregdetin e Sarandës, si pasojë e dallgëve të forta, një varkë e cila ishte ankoruar në zonën e plazhit, është mbuluar nga rëra dhe mbetje të tjera të nxjerra në plazh nga dallgët e forta.
Shqipëria ka hyrë në ditën e tretë që është pushtuar nga moti i keq me reshje të dendura shiu e erëra të forta. Lezha dhe Shkodra janë dy qarqet me më shumë probleme.
Sipërfaqja e përmbytur në Shkodër ka shkuar në 1000 ha, ndërsa në Lezhë janë përmbytur lagjet e qytetit.
Rrugët janë thuajse të pakalueshme, ndërkohë që uji është futur dhe në hyrjet e pallateve dhe hyrjet e shkollave, duke mos lënë nxënësit të futën. Një pjesë e mirë e fshatrave kanë mbetur pa energji elektrike. Mësimi është pezulluar në 56 shkolla të vendit ndërsa lundrimet janë anuluar.
Discussion about this post