Rajoni i Lezhës është më problematik aktualisht si pasojë e motit të keq. Këtë e ka konfirmuar edhe nënkryetari i Bashkisë së Lezhës, Ermal Paci, gjatë një interviste televizive. Sipas tij, het situata jo e mirë paraqitet në ish-kënetën e Torovicës, ku raportohet të jenë përmbytur 20 hektarë tokë. “Deri tani raportohen 45 milimetra shi, gjatë mesditës nuk kanë qenë reshje të shumta shiu. Situata, përveç në ish-kënetën e Torovocës, ku rreth 20 ha tokë janë të përmbytura, nuk kemi probleme të tjera, situata është nën kontroll. Bashkia ka ngritur grupet e punës, të cilat janë në terren gjatë gjithë kohës”.
Sipas nënkryetarit Paci, nuk raportohet probleme të zgjatura me energjinë elektrike dhe se hidrovoret janë në gjendje normale pune. “Hidrovoret janë 100 përqind në funksion, nuk kanë munguar kapaciteti i tyre. Pastaj ka pasur defekte të herëpashershme me energjinë elektrike, aty ku ka pasur kolapse ka ndodhur të ngelin edhe pa 2-3 orë pa energji elektrike, ato janë informacione të OSSH, kurse sa i përket hidrovoreve, furnizimi me energji elektrike aty ka qenë 24 orë dhe kanë funksionuar normalisht. Pra situata është përmirësuar nga mëngjesi, po shkon drejt normales”, tha ai, ndërsa i bëri thirrje qytetarëve të qëndrojnë ën shtëpi dhe të mos dalin në zonat e rrezikuara nëse nuk e kanë të domosdoshme.
Discussion about this post