Qarku i Kukësit është përfshirë nga reshje të dendura dëbore ditën e djeshme, madje edhe gjatë mbrëmje, por situata për sot paraqitet e qetë. Burimet bëjnë me dije se situata është e qëndrueshme, pa reshje dhe e shoqëruar me temperatura të ulëta në gjithë territorin e Qarkut Kukës. Pavarësisht reshjeve të shumta, rrugët nacionale janë të kalueshme normalisht, ndërsa vazhdon pastrimi edhe për zhbllokimin e rrugëve dytësore. Ndër të tjera, bëhet me dije se nuk raportohet asnjë emergjencë dhe problemet me energjinë elektrike janë riparuar. Sakaq, njoftohet se, gjendja e rezervuarëve është nën monitorim në të gjithë Qarkun. Gjithsesi, bëhet me dije se në disa fshatra të thellë banorët janë izoluar për shkak të borës, por po bëhet e mundur hapja e rrugëve që i lidh me qytetin.
Discussion about this post