Qarku i Dibrës është përfshirë nga reshje të dendura shiu dhe dëbore në 24 orët e fundit, çka kanë sjellë dëmtime dhe bllokim të rrugëve. Sipas burimeve, ka patur rënie gurësh dhe inertesh në rrugët nacionale Ulëz – Shkopet, Qafë Bualli – Krastë, Peshkopi – Kukës, dhe Peshkopi – Qafë Draj, por pa shkaktuar probleme dhe pengesa në qarkullim. Gjithsesi, Drejtoria rrugore se këto akse rrugore janë problem për udhëtarët, prandaj iu kërkon atyre të bëjnë kujdes dhe të mos ecin me shpejtësi tej normave të lejuara.
Ndër të tjera bëhet me dije se, në shkolla mësimi ka vijuar normalisht, por mbetet problem mungesa e një sistemit ngrohjeje.
Sipas të dhënave, edhe pse kanë nisur reshjet e para të dëborës, ende nuk është siguruar lënda djegëse(dru zjarri) dhe në klasa nuk janë vendosur sobat.
Në lartësinë mbi 1400 metra ka patur reshje dëbore. Dëbora e hershme i ka zënë pemët me gjethe dhe për pasojë i ka ngarkuar ato duke shkaktuar thyerje të pemëve në zonat e larta.
Raportohet se, në disa nga akset Kombëtare kompanitë e mirëmbajtjes vijojnë me kontratat e vitit të kaluar ndërsa disa të tjera ende nuk janë kryer procedurat e shpalljes së kontratave për mirëmbajtje dimërore
