Reshjet intensive të borës kanë shkaktuar problemet e para me qarkullimin në Rrugën e Arbrit. Policia e qarkut Dibër bën me dije se për shkak të pranisë së borë pastrueseve në rrugë, nuk do të lejohet qarkullimi i automjeteve deri në pastrimin e plotë të saj.
“Për shkak të reshjeve të dëborës në Rrugën e Arbrit, në Bypass, qarkullimi i automjeteve është ndaluar përkohësisht pasi i gjithë aksi po pastrohet nga borë pastrueset. Shërbimet e Policisë Rrugore ndodhen në të dyja kahet e lëvizjes dhe nuk do të lejojnë asnjë drejtues mjeti të qarkullojë pa vendosur goma dimërore zinxhirë dhe deri sa rruga të pastrohet plotësisht nga kontraktorët”, thuhet në njoftim.
Policia apelon për të gjithë drejtuesit e mjeteve që të tregojnë kujdes të shtuar në drejtimin e mjetit, si dhe të shmangin lëvizjet e panevojshme në këtë aks.
Discussion about this post