Reshjet e dendura të borës kanë bllokuar qarkun e Shkodrës, ku shumë zona shfaqin probleme të mëdha të lëvizjes. Për të dhënë më shumë detaje rreth situatës atje ka folur sot gjatë një interviste televizive, prefektja e Qarkut Shkodër, Majlinda Angoni, e cila bën thirrje për kujdes pasi qarku që ajo përfaqëson është në gjendje emergjente.
Angoni foli edhe për situatën e krijuar nga reshjet e shiut dhe problematikën e mbetjeve në Qarkun e Shkodrës. Ndërsa ka shtuar se temperaturat e ulta kanë krijuar ngrica në disa vende, duke e bërë të pamundur lëvizjen e automjeteve.
“Jemi në situatën e emergjencave dimërore që do të thotë institucioni ynë është pranë planifikimit për ndërhyrje. Situata e motit është që do të ketë reshje shumë dhe kemi pasur vështirësi në segmente të shumta rrugore. Këshillohet që qytetarët të marrin zinxhirë me vete kur i japin makinës sepse janë temperaturat shumë të ulëta dhe ka ngrica. Shqetësuese në qarkun e Shkodrës janë zonat e thella dhe segmented rrugore atje”, tha ajo.
Për sa I përket situatës së reshjeve ka prurje te hidrocentralet dhe situata e lumenjve deri tani është nën kontroll dhe siç e theksova në fillim secila Bashki ka një plan për situatat emergjente. “Është bërë një punë i mirë sepse është bërë një koordinim mes bashkisë së Shkodrës dhe Bordit të kullimit, për hapjen e kanaleve”, u shpreh Angoni, ndërsa iu kërkoi drejtuesve të mjeteve të tregohen të kujdesshëm dhe të mos dalin nëse nuk e kanë të nevojshme.
Discussion about this post