Departamenti i Garave në FSHF bën me dije se për shkak të reshjeve të dendura të dëborës në qytetin e Korçës, ndeshja e Kupës së Shqipërisë Skënderbeu-Vora, e cila ishte planifikuar të luhej nesër në orën 17:00 në stadiumin “Skënderbeu”, do të zhvillohet në një tjetër stadium.
Ndeshja do të luhet në stadiumin Devolli dhe do të nisë në orën 13:00.
Sot, Tirana dhe Bylis luajnë në orën 13:00 për 1/8 e Kupës së Shqipërisë. Përballja do zhvillohet në stadiumin e Vorës dhe kjo fazë është me një takim, teksa skuadrat do kërkojnë një biletë për në çerekfinale.
Sfida tjetër e kësaj të marte është Laçi-Kukësi. Takimi nis në 13:00.
Ndërsa nesër luhen gjashtë sfidat e radhës.
Discussion about this post