Vendi është prekur nga një stuhi reshjesh e cila do të jetë prezente në territorin shqiptar për disa ditë. Në Pukë, shirat e dendur kanë shkaktuar dëme në disa akse rurale si dhe kanë dëmtuar dhe elementë të tjerë të infrastrukturës rrugore.
Në disa fshatra raportohen të dëmtuara ura, linja ujësjellësi dhe mullinj bloje. Kujtojmë se moti i keq shkaktoi probleme edhe në Vlorë, ku përroi i Gjikurisë ka dalë nga shtrati dhe po ashtu përmbytjet kanë shkatërruar urën pranë ish vilave qeveritare duke përmbytur zonën përreth.
Ndërkohë në Vlorë nuk ka pasur problematika veç mungesës së furnizimit me energji elektrike. Probleme me energjinë kanë pasur gjithashtu edhe zonat e Selenicës dhe Orikumit.
Reshjet e shiut do të vijojnë të jenë intensive në vend sot dhe nesër. Nga e enjtja pritet që të ketë një përmirësim të kushteve meterologjike.
Discussion about this post