Erërat e forta dhe reshjet e dendura të shiut kanë shembur sot urën e Mesaplikut në Selenicë. Ura është e pakalueshme e në këto kushte banorët e fshatit do të qëndrojnë të izoluar, derisa të ndërhyhet.
Ndërkohë si pasojë e reshjeve të shiut në Vlorë 2 lumenjtë më të mëdhenj të qytetit rrezikojnë të dalin nga shtrati.
Vjosa dhe Shushica kanë ngritje të nivelit të tyre. Vjosa ka rritur nivelin në 5.9 metra, por pa probleme. Prurjet vijojnë të rriten ndërsa pika kritike është 7.3 metra. Situata po mbahet nën monitorim.
Probleme ka pasur edhe në përroin e Çullos në lagjen Granicë të Gjirokastrës i cili ka dalë nga shtrati duke shkaktuar problematika në një disa zona të qytetit ku rruga e automjeteve është bllokuar si pasojë e rrëshqitjeve të dheut.
Discussion about this post