Një aksident ka ndodhur në rrugën nacionale Gjirokastër-Tepelenë në vendin e quajtur shkalla e zezë , që është edhe segmenti më problematik sa herë ka reshje shiu. Një automjet tip “Benz” është kthyer përmbys, ndërsa drejtuesi është nën kujdesin e mjekëve, jashtë rrezikut për jetën.
Ndërsa, në vendngjarje ka mbërritur policia dhe grupi hetimor që po kryejnë hetimet, për të zbuluar edhe shkakun e këtij aksidenti. Nga informacionet paraprake dyshohet se makina të ketë rrëshqitur si pasojë e lagështirës dhe shpejtësisë.
Në orët e para të mëngjesit ARRSH ka apeluar ndaj drejtuesve të mjeteve të reduktojnë shpejtësinë për shkak të lagështirës në rrugë, si dhe të respektojnë rregullat e qarkullimit.
Discussion about this post