Reshjet e shiut veçmas përmbytjeve në shumë zona të Shqipërisë kanë rikthyer po ashtu edhe tmerrin e të gjithë personave që udhëtojnë me automjetet e tyre apo me transport publik në kryeqytet. Siç ndodh rëndomtë në ditë me shi dhe ditën e sotme qarkullimi në Tiranë është “paralizuar” për shkak të trafikut të rënduar kudo në rrugët kryesore të kryeqytetit.
Ish-sheshi Shqiponja, zonën e Astirit dhe Komunën e Parisit, janë disa nga zonat më problematike ku drejtuesit e mjeteve shprehen se presin shumë gjatë për të bërë një segment të shkurtër rrugor dhe kjo për shkak të trafikut me të cilin përballen.
“Kam dy orë i bllokuar dhe nuk po arrij që të dal dot nga Tirana”, shprehet një qytetar.
Kjo është një situatë e përsëritur me të cilën banorët e kryeqytetit përballen në çdo ditë kur reshjet e shiut shfaqen.
Discussion about this post