Duket se as këtë vit Durrësi nuk ka për t’i shpëtuar përmbytjeve, pasi ka mjaftuar vetëm pak minuta shi për të shkaktuar probleme me qarkullimin e automjeteve në qytet.
Fillimi i reshjeve të shiut ka sjellë rritje të nivelit të ujit në disa prej rrugëve kryesore të qytetit, ku rrjeti i kanalizimeve nuk ka mundur të përballojë pak minuta shi të mëngjesit të kësaj të enjte.
Prezencë uji ka në rrugën e stadiumit, rrugën e lagjes nr.14, nr.13 dhe për pasojë është paralizuar edhe lëvizja e automjeteve. Ndërmarrja e komunales duket se nuk ka marrë masa as këtë verë, pasi përmbytjet janë një problem i përhershëm në Durrës.
