Reshjet e shiut të rëna gjatë 24 orëve të fundit kanë shkaktuar shembje gurësh dhe dherash në Aksin Lezhë-Ungrej. Rreth 4 km larg qendrës së fshatit Ungrej ka pësuar rrëshqitje të tokës duke izoluar totalisht banorët e 9 fshatrave të kësaj Njësisë Administrative.
Në atë zonë raportohet nga banorët se ka pasur edhe herë të tjera rrëshqitje të tokës duke izoluar qindra banorë të këtyre fshatrave.
Rreth një vit më parë ka pasur edhe në zonën e Kreshtës rrëshqitje të asfaltit, ndërsa ende nuk është marrë asnjë masë për të minimizuar rrezikun që ju kanoset banorëve të 9 fshatrave që kanë si të vetme rrugë për t’u lidhur me qytetin e Lezhës.
Discussion about this post