Reshjet e shiut, Vlora përsëri nën ujë

Reshjet e rëna gjatë gjithë ditës kanë bërë që disa akse në qytetin e Vlorës të mbushen me ujë, duke krijuar vështirësi kalimi për këmbësorët.

Zonat me problematike mbeten “Albano & Romina“, zona pranë bibliotekës publike “Shefqet Musaraj”, dhe zona në “Skelë” apo lagjja “Pavarësia”, ku raportohet për 20 cm thellësi uji në rrugë.

Kurse nga kanali në lagjen “Kume” raportohet edhe për ujë në banesa. Edhe lagjet “28 Nëntori” dhe “24 Maji” kanë rrugë të përmbytura.

Situata vijon të jetë problematike duke marrë shkas edhe nga reshjet që vijojnë të bien në Vlorë. Punonjësit janë në terren për mirëmbajtjen e pusetave si dhe pastrimin e tyre nga mbeturinat.

Problemi i pë rmbytjeve në Vlorë është i përsëritur. Qyteti u godit nga përmbytjet vetëm pak muaj më parë, me ujin që vërshoi në banesa dhe biznesa duke shkaktuar dëme të konsiderueshme.