Reshjet në Lezhë, banesat rrezikojnë përmbytjen, ndërpritet energjia

Qarku i Lezhës është përfshirë nga reshje shiu me intensitet mesatar gjatë orëve të natës deri në mëngjesin e kësaj të mërkure.

Sipas të dhënave të Shërbimit Metereologjik Ushtarak, Gjadër dhe Drejtoria Rajonale e Ujitjes dhe Kullimit kanë rënë mesatarisht 36 mm shi.

Raportohen probleme në rënien e inerteve në rrugë në njësinë Administrative Milot, në fshatin Shkopet, po kështu raportohet dhe në fshatin Delbnisht, afër kufirit me fshatin Shullaz.

Ndërkaq, raportohen probleme në qytetin e Rrëshenit, nga dalja e lumit të Zmejës, në disa vende përroi ka dalë nga shtrati, si rezultat kemi prezencë uji në oborret e disa banesave por jo në banesa.

Probleme të furnizimit me ujë të pijshëm nuk raportohet, kurse me energji elektrike ke patur ndërprerje, kryesisht në zonat rurale, për shkak të rrjetit të amortizuar.