Reshjet, përmbytje edhe në rrugët e Lushnjes

Reshjet e shumta të shiut kanë krijuar probleme në Bashkinë e Lushnjes.

Disa rrugë në qytet kanë pasur prezencë uji me disa dhjetëra centimetra. Këto janë reshjet e para të këtyre përmasave pas disa muajsh thatësirë.

Qarkullimi në qytet ishte i rënduar për shkak të prezencës së ujit në disa akse dhe sidomos në ato kryesore si bulevardi kryesor dhe disa segmente të tjera.

Rruga “Misto Mame” në afërsi të kthesës së spitalit ka pasur edhe problematikën më të madhe, ku dhjetëra makina kanë mbetur të bllokuara.