Projekti 2 miliard dollarësh “Durrës Yachts & Marina” i investitorit me famë botërore Muhammed El Alabbar vijon prej 2 vitesh e gjysmë ndërtimin në zonën e Portit të Durrësit, por jo pa probleme.
Dy pallate në fazën e fundit të ndërtimti, njëri 9 e tjetri 11 kate, kanë pësuar ulje të strukturës duke u zhytur disa centimetra në tokë.
Deputeti Igli Cara thotë se Partia Demokratike ka denoncuart dhe më herët këtë skandal.
“Denoncimet tona të mbështetura në fakte konkrete u injoruan. Që në fillim të këtij projekti kemi folur për dy studime gjeologjike dhe gjeomorfologjike të kryera nga kompani të njohura ndërkombëtare, kompania italiane Technital dhe kompania gjermane Sellhorn.
Këto studime kanë evidentuar se zona nuk paraqet kushte të zakonshme ndërtimi dhe se, për garantimin e qëndrueshmërisë strukturore dhe kapacitetit mbajtës të objekteve, është projektuar përdorimi i pilotave me diametër rreth 1.5 metra dhe thellësi deri në 45 metra”,- thotë Cara.
IKMT njofton se pas inspektimiti është drejtuar zyrtarisht kompanisë zbatuese të projektit, që të marrë urgjent masat me përforcimet e nevojshme teknike, të cilat sipas Inspektoratit garantojnë qëndrueshmërinë e strukturave.0
gijotina.com/
Discussion about this post