Shtetet e Bashkuara të Amerikës dhe Ukraina planifikojnë të nënshkruajnë marrëveshjen e shumëdebatuar për mineralet, pas takimit të tensionuar në Zyrën Ovale.
Reuters raporton se presidenti Trump u ka thënë këshilltarëve të tij që dëshiron ta shpallë marrëveshjen gjatë fjalës së tij në Kongres, të martën në mbrëmje. Marrëveshja u pezullua të premten pas takimit të tensioniar mes Trump dhe Zelenskyt. Kjo marrëveshje ishte dhe një nga pikat ku do të përqëndrohej takimi mes dy presidentëve.
Sipas asaj që raporton Reuters, zyrtarët amerikanë kanë folur me homologët e tyre në Kiev për nënshkrimin e marëveshejs së mineraleve. Gjithashtu bëhet me dije se u kanë kërkuar ta vbindin presidentin ukrainas t’I kërkojë falje hapur Trumpit.
Ditën e martë, presidenti Volodimir Zelensky shkruajti në platformën X se Ukraina është e gatshme të ulet në bisedime sa më shpejt për të vendosur paqen.
“Takimi ynë në Uashington, në Shtëpinë e Bardhë të premten, nuk shkoi ashtu siç duhej të ishte. Ukraina është e gatshme të vijë në tryezën e bisedimeve sa më shpejt që të jetë e mundur për të sjellë më afër paqen e qëndrueshme”, shkruan Zelensky.
Është e paqartë nëse marrëveshja ka ndryshuar. Të hënën, Trump sinjalizoi se administrata e tij mbeti e hapur për nënshkrimin e marrëveshjes, duke u thënë gazetarëve se Ukraina “duhet të jetë më mirënjohëse”.
Discussion about this post