Ish kryedemokrati, Lulzim Basha ka përkujtuar ngritjen e flamurit shqiptar 49 vite më parë në Burgun e Spaçit pa yllin që simbolizonte komunizmin, në një shenjë revolte nga të internuarit atje. Përmes një postimi në Facebook, Basha shkruan se qëndresa e të burgosurve politikë ishte një frymëzim. Madje tha se edhe në ditët e sotme ajo qendrës na frymëzon për të kërkuar lirinë që meritojmë.
“49 vite më parë, një grup të burgosurish politikë ngritën në Spaç flamurin kuqezi, pa yllin komunist, dhe shpallën aty një zonë të lirë nga diktatura. Ato 3 ditë lirie ishin një shkëndijë në terrin e diktaturës komuniste, që i treguan Shqipërisë dhe botës se rezistenca mbijetonte, pavarësisht dhunës dhe represionit të diktaturës.
Qëndresa brenda burgut më famëkeq të komunizmit, në një vend të kthyer në një burg në qiell të hapur për të gjithë shqiptarët, e ka kthyer Revoltën e Spaçit në një nga simbolet e rezistencës antikomuniste, që frymëzon edhe sot për guximin dhe patriotizmin e atyre burrave që në orët më të errëta, ngritën krye për liri. Lavdi martirëve të Revoltës së Spaçit”, shkruan Basha. Ndërsa më herët, edhe Alibeaj tha se shqiptarët duhet të marrin shembull e të revoltohen aty ku cenohen.
Discussion about this post