Banorët e një pallati pranë ish-pistës Iliria në Durrës, shprehin shqetësimin për mënyrën si po trajtohet rikonstruksioni i ndërtesës së tyre të dëmtuar nga tërmeti. Sipas tyre, pas kaq vitesh pritjeje, pallati u është premtuar se do të dorëzohet në gjendjen aktuale, duke theksuar se “kaq kishin detyrim”.
Ata pyesin nëse një ndërtesë e tillë mund të konsiderohet e përfunduar dhe e banueshme, si dhe nëse bashkia e drejtuar nga Emiriana Sako mund ta marrë në dorëzim për ta kolauduar për banim në këtë gjendje.
Banorët denoncojnë gjithashtu dëmtime dhe mungesa të rënda në objekt, ku janë vjedhur dyert e brendshme, ulluqet, si dhe skeleti i tendës. Për më tepër, mbeturinat e ndërtimit janë lënë brenda godinës, duke e bërë situatën edhe më alarmante. Ata kërkojnë ndërhyrje urgjente nga institucionet përkatëse për të marrë masa dhe për të garantuar rikthimin e sigurt në banesat e tyre.
Mesazhi i banores:
Kemi një problem me pallatin e shembur nga tërmeti, pallati gjendet në Durrës pranë ish-pistës Iliria, ngjitur me Restorant Daril. Pas kaq vitesh, kaq është rezultati i punimeve, na thanë që hyrja do dorëzohet e tillë, sipas tyre kaq kishin detyrim. A është i banueshëm një pallat i tillë, a ju duket i përfunduar? A mund ta marrë në dorëzim bashkia në këtë gjendje pallatin dhe ta kolaudojmë për banim? Gjithashtu janë vjedhur dyert e brendshme, ulluqet, skeleti i tendës dhe janë lënë inertet në objekt. Faleminderit!
Discussion about this post