Shekulli i 21 nuk i theu ‘tabu-të’ dhe mentalitetin shqiptar.
Pak ditë më parë vendi ynë por edhe Italia u trondit, pas tragjedisë në familjen Vefa ku 37-vjeçarja shqiptare Klodiana u vra nga bashkëshorti i saj Alfred Vefa, ku ky i fundit kreu vetëvrasje.
Tragjedia në familjen shqiptare ka ngjallur reagime të shumta në rrjet edhe nga personazhet publikë të cilët janë bashkuar me dhimbjen e humbjes së jetës të 37-vjeçares. Megjithatë, ka dhe nga ata të cilët e kanë parë të arsyeshme veprimin e shqiptarit për të vrarë gruan.
Këto komente e kanë revoltuar, gazetaren Fatma Haxhialiu e cila ka reaguar ashpër, duke kërkuar dënim për këta persona të cilët ndër të tjera në mënyrë indirekte i quan ‘vrasës’.
“Si nuk identifikohen të gjithë këta vrasës potencial dhe të merren masa ligjore ndaj tyre? Nuk kanë brirë vrasësit e grave, janë fiks kështu si këta“, shkruan gazetarja.
Klodiana dhe Alfredi ishin prindër të dy fëmijëve të cilët tashmë kanë mbetur jetim. Shkak i këtij krimi të rëndë mendohet të ketë qenë xhelozia, pasi ish-bashkëshorti i Klodianës nuk arrinte ta pranonte ndarjen.
Discussion about this post