Me ardhjen e Zoran Zekiç në stol, te Partizani ka mjaft paqartësi edhe në lidhje me të ardhmen e pjesës së stafit, që kanë ndihmuar trajnerin Kolela gjatë gjithë sezonit të shkuar.
Dy ndihmësit, Fatjon Tafaj dhe Klajdi Kënga nuk e kanë qartësuar ende të ardhmen.
Nuk dihet nëse Zekiç vjen me stafin e tij te Partizani dhe nëse e bën këtë, pritet që dyshja drejtuese të largohen.
Tafaj është një nga të preferuarit e presidentit Demi, që vendosi ta mbajë me këmbëngulje edhe pas largimit të Dritan Mehmetit nga skuadra.
Nga ana tjetër, Kënga ka qenë një sugjerim i Elton Marinit dhe nuk përjashtohet largimi, pas ikjes së këtij të fundit. Në dyshim është edhe përgatitësi atletik, Marko Korali./PanoramaSport
Discussion about this post