Rey Manaj shënon golin e parë sezonal në Turqi

Sivasspor dhe Gaziantep barazuan 1-1 në pjesën e parë të ndeshjes së vlefshme për raundin e pestë në elitën turke të futbollit. Në këtë duel për vendasit shënoi Rey Manaj, sulmuesi i Kombëtares. Pas golit Manaj nuk mundi të vijonte ndeshjen, duke u zëvendësuar pas një lëndimi muskulor.

Përballja nisi mirë për Gaziantep, që gjeti golin me Maxim pas vetëm gjashtë minutave. Ndërkohë që për golin e barazimi mendoi Rey Manaj, sulmuesi i Kombëtares që edhe këtë sezon qëndroi te Sivasspor.

Duhej minuta e 37-të që një krosim nga këndi të shfrytëzohej nga lushnjari dhe me kokë të barazonte ndeshjen. Në pesë ndeshjet e këtij sezoni, Rey gjeti rrjetën e parë. Vetëm pesë minuta pas golit, Manaj la fushën i dëmtuar duke u zëvendësuar. Lëndimi duket muskulor dhe do jenë testet që do tregojnë edhe gradën e dëmtimit.