Barcelona dhe Spezia në minutat e fundit të merkatos kanë arritur marrëveshje për huazimin e Rey Manaj me vlerën e 300,000 euro, kontratë e vlefshme deri më 30 qershor 2022.
Klubi italian do të paguajë pagat e lojtarit dhe ka në opsion blerjen përfundimtare të lojtarit për 2.7 milionë euro.
24 vjeçari shqiptar Rey Manaj erdhi në FC Barcelona në janar 2020 për tu bërë pjesë fillimisht e skuadrës Barça B, ndërsa kishte luajtur më parë te Granada dhe Albacete në Spanjë
Sezonin e kaluar ai ishte golashënuesi më i mirë për ekipin B me 14 gola në 22 ndeshje.
Gjatë ndeshjeve miqësore Rey Manaj ishte golashënuesi më i mirë për ekipin A, duke shënuar edhe një het trik në debutimin e tij në një miqësore kundër Nàstic.
Një tjetër gol ai e shënoi kundër Gironas, duke e mbyllur me 4 gola në 117 minuta aktivizim me klubin A katalanas.
