Kombëtarja shqiptare bën rikthimin e saj në fushë këtë javë, teksa sfida e parë në Nations League pritet të jetë ajo me Bjellorusinë, të shtunën në orën 20:45. Nga salla e konferencave e stadiumit “Air Albania”, ka folur për mediat sulmuesi Rey Manaj.
Ndaj Polonisë, si të është dukur prezantimi me trajnerin e ri?
Mendoj se dy ndeshjet janë ndryshe nga ndeshjet që janë tani. Është fund sezoni dhe lojtarët nmendojnë dhe për pushimet. Jemi mërzitur për atë se çfarë ndodhi me Ukrainën. Por, tani ekipi i vërtetë do të jetë ky në Nations League dhe do të bëjmë mirë për vendin e parë të grupit.
Duke parë këtë grup, sa shanse keni?
Mendoj se grupi vjen nga një moment të mirë, ka patur transferime dhe ekipi nuk është në 100%. Objektivi real është që të futemi në Europian dhe këto ndeshje do të na ndihmojnë shumë. Të gjithë jemi në të njëjtin drejtim dhe jemi të motivuar për të bërë maksimumin.
Ndjeni rivalitet?
Është gjë e mirë. Jemi në Kombëtare, mund të luaj unë, Daku, Shpendi, Uzuni. Nuk ka lidhje roli. Të gjithë vijmë nga një moment i mirë.
Si ndihet grupi me mungesat?
Mund të luash edhe mos të luash. Futbolli është me momente, duhet të japësh 100-shin tënd.
Discussion about this post