Forcat e KFOR-it në Kosovë janë përforcuar nga Batalioni i Parë Mbretëror i Gurkave, një njësi elitare e Ushtrisë Britanike, e cila arriti për një stërvitje luftarake për pengimin e trazirave dhe përputhet me tensionet e fundit në Jarinjë dhe në Bërnjakë. Pas kësaj mbështetjeje ushtarake Serbia shfaqet e shqetësuar. Përse kjo mbështetje, nga ana e shtetit Anglez?
Radiokosovaelire shkruan se njësia e përmendur është si rezervë strategjike, e cila është praktikisht në një lloj kujdestarie, në gatishmëri, që zgjat për një vit, që nëse është e nevojshme, të zhvendoset shpejt nga baza e saj në Folkestone në Britaninë e Madhe, në Kosovë.
Marrëveshja mes Kosovës dhe Serbisë për reciprocitetin e targave u arrit më 30 shtator në Bruksel. Kjo marrëveshje është e përkohshme dhe mbështetet mbi 3 pika.
