Drejtoria e Përgjithshme e Shërbimit të Transportit Rrugor nëpërmjet një njoftimi të publikuar në faqen zyrtare ka bërë me dije se rezervimi i orarit të Kolaudimit të mjetit rrugor kryhet direkt online, për të gjitha Qendrat e Kontrollit Teknik pranë drejtorive rajonale të DPSHTRR.
Në këtë njoftim, DPSHTRR iu bën thirrje shoferëve që të mos tentojnë abuzimet apo ndërhyrjet për të për të kaluar pa radhë. “Risia është se ky sistem i ri rezervimi ofrohet me autentifikim në llogarinë e secilit tek seksioni “Makina ime” në e-Albania, duke eliminuar spekullimet dhe sekserët që abuzonin me radhën kur shërbimi kryhej nga koncesionari”, njofton DPSHTRR. Ndërsa thekson se çdo datë dhe afat do t’iu njoftohet përmes mesazheve në telefon.
Discussion about this post