Kryetari i PD, Enkelejd Alibeaj, ka prezantuar sot në Kuvend rezolutën e PD për të vepruar kundër rritjes së çmimeve. Disa nga pikat, e PD janë reduktimi i taksës së qarkullimit si dhe ulja e TVSH për shportën. Gjithashtu, PD kërkon që të shtohen subvencionet dhe të reduktohen shpenzimet për koncesionet.
“Kërkojmë uljen në 6% të mallrave të shportës. Pezullimin e taksës së qarkullimit duke eliminuar taksën Rama mbi karburantin. Shkurtimin e shpenzimeve të qeverisjes vendore. Dyfishimin e ndihmës ekonomike për familjet në nevojë. Rritjen e pensioneve me dyfishimin e indeksimeve. Rritjen e pagës minimale. Pezullimin e shpenzimeve për PPP dhe koncesionet. Rritjen e subvencionit për fermerët Kryerjen e një hetimi të thelluar nga autoriteti i Konkurrencës”, tha ai.
Ndër të tjera, Alibeaj tha se përmes kësaj rezolute PD që Autoriteti i Konkurrencës, të veprojë, të shtojë kontrollet dhe të marrë masa, e njëjta gjë kërkohet edhe për institucionet e tjera kontrollore.
“Dhe e fundit raportimi nga Autoriteti i Konkurrencës në Kuvend për masat e marra. Kjo është përmbajtja e rezolutës që ne propozojmë jo si instrument politik. Ky moment ka ardhur sot që të mendohet me shpirt dhe zemër për familjet shqiptare. Për këtë arsye nuk do lëshoja asnjë lloj provokimi politik. Sot duhet të mendojmë për barkun bosh të qytetarëve. Më kujtohen 6 rreshtat e parë të poemës së mjerimit të Migjenit. Kafshatë që nuk kapërdihet është o vëlla mjerimi”, deklaroi Alibeaj.
Discussion about this post