Deputeti i PD-së Tritan Shehu ka reaguar lidhur me bllokimin e rezolutës që dënon gjenocidin në Srebrenic. Gjatë një deklarate për mediat, Shehu e ka cilësuar këtë një akt të rëndë.
Ndër të tjera, Shehu tha se është i befasuar që maxhoranca nuk ka pranuar që kjo rezolutë të kalojë në parlament.
“Nuk prisja këtë qëndrim që mbajtën të majtët. Jam i befasuar sepse ata nuk pranuan që kjo rezolutë të kalojë në parlamentin shqiptar. Në momentin që parlamenti shqiptar deri sot nuk ka kaluar asnjë dokument për të dënuar këtë gjenocid, siç ka bërë PE, gjë që krijon një impakt shumë të madh për Kuvendin e Shqipërisë. Akt shumë i rëndë bllokimi i kësaj rezolute që ka kaluar në Kosovë, Mal të Zi”, tha Shehu.
Discussion about this post