Alan Giresse nuk do të mbajë më postin e trajnerit të përfaqësuese së Kosovës.
Ditën e sotme, kryetari i Federatës së Futbollit të Kosovës, Agim Ademi, thirri një mbledhje urgjente nga ku u mor vendimi për shkarkimin nga detyra të trajnerit francez, Giresse dhe të stafit teknik.
Shkarkimi i Giresse vjen pasi Kosova ka grumbulluar vetëm tri pikë nga katër ndeshjet e para kualifikuese për Kampionatin Evropian, duke i zbehur së tepërmi gjasat për kualifikim.
“Federata e Futbollit e Kosovës njofton opinionin që me marrëveshje të dyanshme me përzgjedhësin, Alain Giresse është vendosur për ndërprerjen e bashkëpunimit. Deri të ky vendim, vjen pas humbjes në ndeshjen e fundit kundër Bjellorusisë (1:2).
Federata e Futbollit e Kosovës e falënderon trajnerin Giresse për angazhimin dhe punën e tij gjatë periudhës sa ishte në krye të Kombëtares së Kosovës. Në të ardhmen priten reforma të mëtejshme në ekipin kombëtar”, thuhet në njoftimin e FFK-së.
Discussion about this post