Rezultati në njësinë 10 në Tiranë dhe Vorë, kush janë kandidatët më të votuar

Ashtu sikurse Partia Socialiste deri më tani ka fituar shumicën e votave të qytetarëve në Tiranë, edhe kandidatët e saj pa përjashtim kanë marrë më shumë pëlqyeshmërine e qytetarëve, teksa në radhe të dytë vijnë Partia Demokratike dhe kandidatët e saj.

Në njësinë administrative numër 10 dhe në Bashkinë Vorë, votimi u krye elektronikisht, duke sjellë kështu dhe rezultatet e para e kandidatëve më të votuar.

Deri më tani, në qarkun e Tiranës Partia Socialiste ka fituar 48.72% të votave të numëruara.

Kandidati më i votuar në njësinë numër 10 është Fatmir Xhafaj me 1722 vota. Pas tij vjen Erion Braçe me 624 vota e në vend të tretë Ervin Hoxha me 376 vota. Më pak i votuari është Halil Koloshi me 3 vota të marra deri më tani. Në Bashkinë Vorë më i votuari është Blendi Gonxhja me 4759 vota, që pasohet nga Ornaldo Rakipi me 432 vota dhe Erion Braçe me 288 vota.

Partia Demokratike në qarkun e Tiranës ka arritur të fitojë 34.68%, një ndryshim konsiderueshëm i madh me kundërshtaren e saj kryesore, Partinë Socialiste.

Kandidati më i votuar demokrat në njësinë numër 10 është Ilir Alimehmeti me 848 vota. Në vend të dytë vjen Jorida Tabaku me 590 vota, ndërsa në vend të tretë vjen Ilir Meta me 246 vota. Kujtojmë se Meta ndodhet në paraburgim pasi po hetohet nga SPAK-u dhe ka arritur të fitojë kaq vota pa pasur mundësinë për të bërë fushatë elektorale. Më pak vota ka fituar Rudin Hylviu i cili ka marrë vetëm 2 vota deri më tani. Në Bashkinë Vorë kandidati më i votuar është Myslim Murrizi me 694 vota, që pasohet nga Asllan Dogjani me 629 vota dhe Loranca Hoxha me 619 vota.

Në vend të tretë në qarkun Tiranë është Partia Mundësia me 4.81% të votave deri më tani. Kandidati kryesues i kësaj force politike në njësinë numër 10 është Edison Abazi me 128 vota, e dyta Alisa Katroshi me 40 vota dhe në vend të tretë Sidorela Dervishi me 39 vota. Në Bashkinë Vorë kryesohet nga Edison Abazi me 92 vota, Anxhelo Allushaj me 18 vota dhe Albion Agaj me 13 vota.

Këto rezultate janë ende paraprake për qarkun e Tiranës. Pas numërimit të plotë e te gjitha kutive të votimit do të kemi një panoramë më të gjerë, jo vetëm të përqindjes së partive, por gjithashtu dhe të kandidatëve të preferuar për qytetarët e këtij qarku.